İngiltərə Premyer Liqasının 15-ci turunda lider “Liverpul” “Vest Bromviç”i qəbul edib. Oyuna gözlənildiyi kimi meydan sahibləri daha yaxşı başlayıblar. Fasiləyədək hesab açılıb. 12-ci dəqiqədə Sadio Mane fərqlənib. Uzun müddət üstünlüyünü qoruyan mersisaydlılar matçın sonlarında qapılarında top görüblər. Semi Acayi tarazlığı bərpa edib. Qalan vaxtda qol vurulmayıb. “Liverpul” – “Vest Bromviç” 1-1. Xal itirməyinə baxmayaraq “Liverpul” 32 xalla liderliyini davam etdirir.
Son turlarda azarkeşlərini məyus edən “Tottenhem” yenə xal itirib. Səfərdə “Vulverhempton”la görüşün ilk dəqiqəsində hesab açılıb. Qonaqlardan Tanqi Endombele fərqlənib. Fasiləyə üstün yollanan Mourinyonun komandası ikinci yarıda təşəbbüsü əldən verib. 86-cı dəqiqədə Romen Saiss “Vulverhempton”a xal qazandıran qolun müəllifi olub. “Tottenhem” 26 xalla ilk beşliyi tamamlayır. “Vulverhempton” isə 21 xalla 11-cidir.